The Philippine Star (Pang-Masa) : Marcos namimili na ng appointees, economic managers

By Joy Cantos | The Philippine Star (Pang-Masa)

MANILA, Philippines — Isa sa mga prayoridad ng bagong administrasyon ang pagbangon ng bansa sa krisis.

Kaya naman ay naghahanda na para pumili ng kaniyang mga appointees at economic managers si President elect Ferdinand “Bongbong” Marcos Jr.

Samantala, kabilang naman sa mga pinag-uusa­pan ay ang mga miyembro ng gabinete na bu­buo sa administrasyong Marcos.

Sinabi ni Marcos na magtratrabaho siya ka­sama ang kaniyang mga Executive Committee na tumulong sa kaniyang kampanya at maging ang mga eksperto sa field para mailagay ang tamang opis­yal sa puwesto.

Aniya, isasaalang-alang niya ang kakayahan at kahandaan ng mga itatalagang opisyal sa kaniyang administrasyon para makatiyak na tanging ka­­rapat-dapat ang maluluklok para sa maayos at tumpak na serbisyo publiko maging anuman ang paniniwala ng mga ito sa pulitika.

Nitong Miyerkules ng gabi ay inanunsyo ni Marcos ang pagtatalaga niya sa kaniyang running mate na si Vice presi­dential elect Sara Duterte bilang Department of Education Secretary.