Join the campaign (Learn More)

Remate Online : Bongbong, Sara nangunguna sa OCTA surveys

News & Interviews
27 December 2021

By Remate Online

Manila, Philippines – Nanguna sa isinagawang poll survey ng OCTA Research Group sina dating senador Ferdinand “Bongbong” Marcos Jr. at Davao City Mayor Sara Duterte.

Sa ulat, nakita sa Tugon ng Masa survey na isinagawa mula Disyembre 7 hanggang 12 na nakakuha si Marcos ng 54% score sa buong bansa.

Sumunod dito si Vice President Leni Robredo na nakatanggap ng 7% sa National Capital Region; 17% sa Balance Luzon at Visayas region; at 8% sa Mindanao.

Pumangatlo sa survey si Manila City Mayor Francisco “Isko Moreno” Domagoso na may 12%; Senator Emmanuel “Manny” Pacquiao na may 10%; at Senator Panfilo “Ping” Lacson na may 5%.

Sa pagka-bise naman nanguna si Sara na may 50%.

Sinundan din ito ni Senator Vicente “Tito” Sotto II na may 33%; Senator Francis “Kiko” Pangilinan na may 9%; Doctor Willie Ong na may 4%; Deputy Speaker Jose “Lito” Atienza Jr. na may 1%; at Walden Bello na may 0.07%. RNT/FGDC