Sun Star – Philippine Councilors League Convention

By Rhona O. Goc-ong | Sun Star

NAGKADAIYANG isyu ang tukion subay sa pagpahigayon sa 2nd Quarterly National Executive Officers and National Board Meeting kun Philippine Councilors League Convention dinhi sa siyudad sa Davao.

Ang aktibidad gilaumang salmutan sa kapin dos mil ka mga konsehal gikan sa nagkadaiyang bahin sa Pilipinas.

Win US $500 cash in Sun.Star’s music video contest.

Gibutyag ni engineer Wilson Paclibar, executive director sa Philippine Councilors League nga ang aktibidad pormal nga bukasan karong Hunyo 16 ngadto 18 sa nagkadaiyang hotel ning siyudad.

Himuon sab ang opening program niini sa People’s Park nga tambungan ni Senador Ramon ‘Bong’ Revilla Jr., isip keynote speaker nila.

Sa ikaduhang adlaw, gilaumang makigduyog sab sa kalihukan si Senador Ferdinand ‘Bongbong’ Marcos Jr.

Dugang ni Paclibar nga sud sa pipila ka adlaw nila nga tigum dinhi, himuon sab ang national executive meeting, lecture sa building disaster resilient communities nga ihatag ni Professor Allan Camacho sa AMA Institute of College.

Mopadayag sab og pagtulun-an kalabot DAvao City Emergency Response System pinaagi nila retired colonel Verner Monsanto, Task Force Davao Chief Colonel Rey Guerero ug Retired colonel Magno Adalin Jr., sa public safety.

Makigduyog sab si Ednar Gempesaw-Dayanghirang aron tukion ang ‘The Strategic Role of PCL in the Negotiations between GPH nad CPP/NPA/NDF.

Sa pikas bahin, gipasigarbo sab sa bag-ong liderato sa Philippine Councilor League ang nagpadayong programa nga legislative academy.

Kini usa ka estratehiya nga maghatag og higayon sa mga konsehal nga makapadayon sa ilang pagtuon.

Sumala ni Konsehal Alma Moreno-Salic, pangulo sa Philippine Councilors League nga gisugdan nila ang programa dihang bise presidente pa lamang siya sa liga.

Back to Blog