Pilipino Star Ngayon : BBM napanatili ang pangunguna - OCTA

19 April 2022

By Joy Cantos | Pilipino Star Ngayon

MANILA, Philippines — Napanatili ni Partido Federal ng Pilipinas (PFP) presidential candidate Ferdinand “Bongbong” Marcos Jr. ang malaking kalama­ngan sa lahat ng isinagawang nationwide survey ng mga respetadong survey firm sa bansa.

Base sa OCTA Research Tugon ng Masa survey nitong Abril 2-6 na ipinalabas nitong Linggo, nakakuha si Marcos ng 57% voter preference mula sa 1, 200 respondents o pagtaas ng 2% kumpara sa kanyang 55% nitong Pebrero 2022.

Nananatiling nasa malayong pangalawang puwesto si Leni Robredo na may 22%, Isko Moreno 9%, Manny Pacquiao 7%; at Ping Lacson, 4%.

Napanatili rin ni BBM ang kalamangan sa halos lahat ng rehiyon: National Capital Region (35%), Ba­lance Luzon (66%), Visayas (56%) at Mindanao, 50%.

Sa katulad na survey na nag-leak nitong Marso ng Social Weather Station (SWS), nanatili ring “runaway winner” si Marcos na may 58% nitong Marso 2022, pangalawa si Robredo na mayroong 18%.